Түркістан жоғары медицина колледжінде жастардың бойында сыбайлас жемқорлыққа қарсы азаматтық ұстанымын қалыптастыру үшін адам бойына қажетті құндылық қатынастарды қалыптастыру және қабілеттерді дамыту мақсатында «AntiParaCraft» квест ойыны өткізілді. Аталмыш квест ойынына жалпы білім беру бөлімінен құралған “Жалын” тобы және “Болашақ” тобы қатысып, өзара бақ сынасты. Квест ойынына қатысқан жастарға Түркістан жоғары медицина колледжінің әдеп жөніндегі уәкілі Г.Алдабергенова, Саналы ұрпақ кеңсесінің мүшелері Д.Әутенов пен А.Әбубәкір әділ бағаларын берді.
“AntiParaCraft” Квест ойыны 4 аялдамадан тұрды:
1 аялдама Мақал - мәтел.
Қатысушы топтарға адалдық, парасаттылық, әділдік тақырыптарында мақал-мәтелдің бастапқы жолдары жасырылды.
2 аялдама "Кім жылдам". Жастардың ойлау өрісі, мимикалық және жестикуляциялық қабілеттері іске қосылатын аялдама болды.
3 аялдама "Ойлан тап".
Әр топқа ұлы тұлғалардың нақыл сөздері беріліп, топ мүшелері плакатқа даналық сөз мағынасын сурет салу арқылы көрсетті.
4 аялдама"Көрініс".
Сыбайлас жемқорлық фактілері туындаған жағдайға байланысты аяқталмаған бейнероликтер көрсетілді. Қатысушы топтар видеоға байланысты шешімдерін көрініс арқылы көрсетті.
Жалпы 4 аялдама бойынша “Жалын” және “Болашақ” топтары алғырлықтарын көрсетіп, ойынның жоғары дәрежеде өтуіне атсалысты.
Ойын соңында қатысушы топтарға колледж директорының алғыс хаты табысталды.

1/20